اشک تو اشک ہے مسکان سے ڈر لگتا ہے

اب خباثت   بھرے   فرمان   سے   ڈر  لگتا ہے 

ہر گھڑی  ملک  کے   سلطان  سے   ڈر  لگتا ہے 

آگ نفرت  کی  لگاتا  ہے   جو  اس  دھرتی  پر 

نا سمجھ  ایسے  ہی  شیطان  سے  ڈر  لگتا ہے 

دھرم  کے  نام  پہ  تو  کرتا  ہے  قتل  و  غارت 

تیری  بھگتی  تِرے  بھگوان  سے   ڈر  لگتا ہے 

میرے پرکھوں کی وراثت کو جو گِروی رکھتا

مجھ کو  اس قسم کے  انسان سے  ڈر لگتا ہے 

جو  چرا   لیتے  ہیں   اشعار   کسی  کے   اکثر 

ان کے  ہر  شعر  سے   دیوان  سے  ڈر  لگتا ہے

مجھ کو  ملتے  ہیں  ریاکار  زمانے  میں  بہت 

اشک  تو  اشک  ہے   مسکان  سے  ڈر  لگتا ہے  

ہر  کوئی   آج    تصدق!  ہے    چھپائے   چہرہ

دشمنوں  سے   نہیں   یاران  سے   ڈر  لگتا ہے