سنتِ مصطفیٰﷺ ہو رہی ہے ادا سر پہ نوشہ کے سہرا سجایا گیا

سنتِ   مصطفیٰ    ہو   رہی   ہے    ادا 

سر  پہ نوشہ  کے   سہرا   سجایا  گیا 

رحمتِ  حق    اجاگر   ہوئی  چار  سو 

آج    الطاف      دولہا      بنایا     گیا 

صدقۂِ    شاہِ    بغداد    غوث   الوریٰ 

صدقۂِ    شاہِ    اجمیر    سمناں    پیا 

سارے ولیوں کا  اب فیض  جاری ہوا

 چاہتوں  سے   یہ   رشتہ  رچایا  گیا

مسکراتی     زمیں    مسکراتا     سما 

سارے  احباب   کا   تھا    یہی  مدعا 

قلبِ  انور  بھی    کہنے   لگا   واہ وا

جب  دلارے   کا   چہرہ   دِکھایا  گیا

بارشِ   نور    ہر   سو    برسنے   لگی 

خوشبووں سے فضا بھی مہکنے  لگی

دل  کے  ارمان   پورے   ہوئے    برملا

 نغمہ خوشیوں کا جسوقت  گایا گیا

شادماں   ہو  رہے   آج   حور  و  ملک

 گونجتی  بلبلوں  کی   تصدق  چہک 

ہر  کوئی   مسکرانے   لگا  جھوم  کے

عشق   کا   جب    ترانہ   سنایا   گیا