دلنشیں کتنا حسیں سہرا مِرے ساجد کا ہے

دلنشیں  کتنا  حسیں  سہرا  مِرے  ساجد کا ہے 

پھول کے جیسا  کھلا چہرہ مِرے  ساجد کا ہے

فضلِ رب سے  آ گئی  دلکش گھڑی  ہے دیکھئے 

مسکراتا  جھوم  کے  کنبہ   مِرے  ساجد  کا ہے

فیض  ولیوں  کا  ہے  جاری  رحمتِ خیر الوریٰ 

نور  سے  پر  نور  اب  انگنا  مِرے  ساجد کا ہے 

دھوم ہر سو ہے مچی کس کی سجی بارات ہے

خوبصورت  کس قدر جوڑا  مِرے ساجد  کا ہے

رب تعالیٰ کی خشیت دل میں  شوقِ مصطفیٰ 

کیا کہوں کتنا حسیں جذبہ  مِرے ساجد کا ہے

ناصر  و  شاہد  سلیماں  بالیقیں  ہیں  شادماں 

سب کے لب پر واہ وا چرچا مِرے ساجد کا ہے 

 

رحمتِ نور مجسم ﷺ  ان  پہ  ہے  سایہ فگن

اے تصدق! خوبرو  مکھڑا  مِرے  ساجد کا ہے